विभागीय नेपाल पुलिस र एपीएफ दिदीबहिनी कप महिला भलिबलको फाइनलमा

पर्वत । विभागीय नेपाल पुलिस क्लब र साविक विजेता एपीएफ क्लब पर्वतमा जारी दिदीबहिनी कप भलिबलको फाइनलमा पुगेको छ ।

प्रतियोगिताको पहिलो सेमिफाइनलमा न्यू–डायमण्ड स्पोर्टस् क्लबलाई ३–० को सोझो सेटमा पराजित गर्दै एपीएफले फाइनलमा स्थान बनाएको हो । एपीएफले न्यू–डायमण्डमाथि २५–९, २५–१५ र २५–१८ को सेटमा पराजित ग¥यो । प्रतिभा चोटका कारण कोर्ट बाहिर छन् ।

दोस्रो सेमिफाइनलमा पुलिसले अर्को विभागीय टोली त्रिभुवन आर्मी क्लबलाई ३–० को सेटमा पराजित गर्दै फाइनलमा एपीएफसँगको भेट पक्का गरेको हो । पुलिसले आर्मीमाथि २५–१९, २५–२३ र २६–२४ को सेटमा जित निकाल्दै एपीएफसँग भेट पक्का गरेको हो । अब, आर्मीले भने तेस्रो स्थानको लागि न्यु डाईमण्डसँग खेल्नेछ ।

एपीएफ र नेपाल पुलिस क्लबबीचको फाइनल खेल वर्षाको कारण स्थगित भएको हो । फाइनल खेलसँगै न्यु डाईमण्ड स्पोर्ट्स क्लब र त्रिभुवन आर्मी क्लबबीच तय भएको तेस्रो स्थानको खेल पनि स्थगित भएको आयोजक रेडियो दिदिबहिनीले जनाएको छ । प्रतियोगिताको फाइनल र तेस्रो स्थानको प्ले–अफ खेल शनिबार (भोली) बिहान हुनेछ ।

प्रतियोगिताको विजेताले २ लाख, उपविजेताले १ लाख, तेस्रोले ५० हजार पुरस्कार पाउनेछन् । सर्वोत्कृष्ट खेलाडी तथा विधागत उत्कृष्ट खेलाडीले समेत नगद पुरस्कार पाउने आयोजकले जनाएको छ ।