एशियन फुटबल महासंघ (एएफसी) द्वारा मे र जुन महिनामा हुने सबै फुटबल प्रतियोगिता स्थगित

एशियन फुटबल महासंघ (एएफसी) द्वारा मे र जुन महिनामा हुने भनिएका एशियाली स्तरका सबै फुटबल प्रतियोगिताहरु स्थगित गरेको छ ।

कोरोना भाइरसको संक्रमणको क्रम नघटेपछि एएफसीले दोस्रो पटक आफ्ना प्रतियोगितालाई स्थगित गरेको हो । एशियाका प्रायः सबै देशले एक देशबाट अर्कोमा जानका लागि प्रतिबन्ध गरेको अवस्थामा एएफसीले श्वास्थ्यको ख्याल गरेर दुई महिनामा हुने प्रतियोगिताहरु सारेको हो । एएफसीले कोरोनाको घटनाहरु नजिकबाट नियाली रहेको छ ।

यसअघि पनि मार्च र अप्रिल महिनामा हुने भनिएको सबै प्रतियोगिता एएफसीले सारेको थियो । जसका लागि भिडियो कन्फ्रेन्सबाट एएफसीले दिल्ली, दोहा, दुबई र क्वालालम्पुरमा बैठकपनि गरेको थियो । जसका कारण नेपालमा हुने भनिएका चाइनिज ताइपेई र अष्ट्रेलियाबीचको खेल पनि स्थगित भएको थियो ।

हाल, स्थगित भएका प्रतियोगिताका लागि अर्को विकल्पका रुपमा नयाँ मिति तोक्ने एएफसीले बताएको छ । एएफसीका लागि ठूलो चुनौतीको रुपमा २०२० को एएफसी च्याम्पियन्स लिग र एएफसी कपको समूह चरणका खेलहरु गर्नु रहेको छ ।

यसका साथै एएफसीले सबै फुटबल संघलाई पनि कठिन परिस्थितिमा संयमित भएर र नकारात्मक कदम नउठाउन आग्रह गरेको छ ।