एसीसी प्रिमियर कप क्रिकेटमा नेपालको दोस्रो जित

एसीसी प्रिमियर कप क्रिकेटमा नेपालले दोस्रो जित निकालेको छ।

आज (शनिबार) नेपालले कतारलाई ३२ रनले हराएको हो।

नेपालले दिएको २ सय ११ रनको लक्ष्य पछ्याएको कतारले २० ओभरमा ९ विकेट गुमाएर १ सय ७८ रन मात्र बनाउन सक्यो।

कतारका लागि महोम्मद तानवीरले ६३ रन बनाएपनि टिमलाई जित दिलाउन सकेनन्।

नेपालका लागि ललित राजवंशी, गुल्सन झा र दिपेन्द्रसिंह ऐरीले सामान २/२ विकेट लिए।

यस्तै, कुशल मल्ल र अविनाश बोहोराले सामान १/१ विकेट लिए।

यसअघि, दिपेन्द्रसिंह ऐरीको एकै ओभरमा ६ छक्काको मद्दतमा एसीसी प्रिमियर कप क्रिकेटमा नेपालले कतारलाई २ सय ११ रनको लक्ष्य दिएको थियो।

ओमानको अल अमिरातमा टस जितेर पहिले ब्याटिङ गरेको नेपालले २० ओभरमा ७ विकेट गुमाएर २ सय १० रन बनाएको थियो।

दिपेन्द्रले २० औं ओभरमा ६ वटा छक्का प्रहार गर्दै २१ बलमा ६४ रन बनाए।

यस्तै, आशिफ शेषले ५२ र कुशल मल्लले ३५ रनको योगदान गरे।

ओमानका हिमान्सु राथोड र मुसवार साहले सामान ३/३ विकेट लिए।

यो जितसँगै नेपाल २ खेलबाट ४ अंक बटुल्दै समूह ‘ए’ को शीर्ष स्थानमा उक्लिएको छ।

अब, नेपालले सोमवार हङकङसँग र वैशाख ४ गते बुधवार समूह चरणको अन्तिम खेलमा साउदी अरेबियासँग खेल्दैछ।

लगातार २ जितसहित यूएई समूह ‘बी’ को शीर्ष स्थानमा छ।

एसीसी प्रिमियर कपमा नेपाल समूह ‘ए’ मा छ।

यो समूहमा नेपालसँगै हङकङ, मलेसिया, कतार र साउदी अरेबिया छन्।

यस्तै समूह ‘बी’ मा बहराइन, कम्बोडिया, कुवेत, ओमान र संयुक्त अरब इमिरेट्स (यूएई) छन्।

समूहका शीर्ष २ टोली सेमिफाइनलमा पुग्नेछन्।

फाइनल जित्ने टोलीले एसिया कप खेल्न पाउनेछ।