काभा महिला बिच भलिबलमा नेपाल च्याम्पियन

काभा महिला बिच भलिबलमा नेपाल च्याम्पियन बनेको छ।

भुटानको थिम्पुमा भएको फाइनल खेलमा नेपालका कमला पुन र मनिषा चौधरीको जोडीले उज्वेकिस्तान ’ए’ टिमलाई २–० को सेटमा पराजित गर्दै उपाधि जितेको हो।

नेपालले उज्वेकिस्तान ’ए’ लाई २१–१७, २१–१४ ले जित्यो।

नेपालले सबै ५ खेलमा अपराजित रहँदै उपाधि जितेको हो।

यस्तै, पुरुषतर्फ नेपाल दोस्रो भएको छ।

नेपालको मानबहादुर श्रेष्ठ र दिलबहादुर सुनारको जोडी फाइनलमा माल्दिभ्सको जोडीसँग २–० को सेटमा पराजित हुँदै उपविजेता बन्यो।