साफ यु–२० च्याम्पियनसीपमा नेपाल समूह विजेता

साफ यु–२० च्याम्पियनसीप फुटबलमा नेपाल समूह ’ए’ को विजेता बनेको छ ।

ललितपुरको सातदोबाटोमा रहेको एन्फा कम्प्लेक्स मैदानमा आज (बिहीबार) भएको खेलमा बंगलादेशलाई २–१ ले हराउँदै नेपाल समूह विजेता बनेको हो।

नेपालको जितमा खेलको १७ औं मिनेटमा समिर तामाङ र १९ औं मिनेटमा अबिनाश स्याङ्तानले गोल गरे।

बंगलादेशका इस्लामले खेलको ४३ औं मिनेटमा पेनाल्टीमार्फत गोल गरे।

यो जीतसँगै नेपालले २ खेलमा ६ अंक जोडेको छ।

बंगलादेशको २ खेलमा ३ अंक छ।

नेपाल र बंगलादेश यसअघि नै सेमिफाइनलमा पुगिसकेका छन्।

यो समूहको श्रीलंका भने लगातार २ खेलमा हार बेहोर्दै समूह चरणबाटै बाहिरिइसकेको छ।

प्रतियोगितामा समूह चरणको अन्तिम खेलमा भोलि समूह ’बी’ का भारत र माल्दिभ्स खेल्दैछन्।

यो खेलबाट सेमिफाइनल समीकरण पूरा हुनेछ।

यो समूहको अर्काे टोली भुटानले पनि अन्तिम चारमा पुग्ने संभावना कायमै राखेको छ।

सेमिफाइनलमा एउटा समूहको विजेताले अर्काे समूहको उपविजेतासँग खेल्नेछ।