इडब्ल्युभिएल: कर्णाली लगातार ४ खेल जित्दै फाइनलमा

एभरेस्ट महिला भलिबल लिगमा कर्णाली एभीएस लगातार चौथो जित निकाल्दै फाइनलमा पुगेको छ।

कर्णालीले प्रतिस्पर्धात्मक खेलमा चितवन शक्तिलाई ३–२ को सेटमा पराजित गरेपछि एक खेलअगावै फाइनलमा पुगेको हो।

त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा बिहीबार भएको आफ्नो दोस्रो खेलमा कर्णालीले चितवन शक्तिमाथि रोमाञ्चक जित निकाल्यो।

कर्णालीले पहिलो सेट २०–२५ ले गुमायो।

दोस्रो सेटमा कर्णालीले २५–१८ ले आफ्नो पक्षमा पारेको थियो।

तेस्रो सेटमा चितवनसँग कर्णालीले २५–२१ ले गुमायो।

चौथो सेटमा २५–१५ ले जित निकाल्दै कर्णाली खेलमा फर्कियो।

पाँचौं तथा निर्णायक सेट १५–१३ ले आफ्नो पक्षमा पार्दै कर्णालीले विजयी यात्रालाई जारी राख्यो।

लिगको ४ खेलबाट लगातार ४ वटै खेल जित्दै कर्णालीले १० अंक जोडेर शीर्ष स्थानमा छ।

लिगबाट गण्डकी थन्डर्स र मधेश युनाइटेडले भने लगातार ४ खेल हारेपछि करिब–करिब प्रतियोगिताबाट बाहिरिसकेको अवस्था छ।

तस्बीरः इडब्ल्युभिए