एसिया रग्बी सेभेन्स ट्रफीः नेपाली पुरुष टोलीको दोस्रो हार

एसिया रग्बी सेभेन्स ट्रफीमा नेपालको पुरुष टिमले दोस्रो हार ब्यहोरेको छ।

नेपालले आफ्नो दोस्रो खेलमा बहराइनसँग पराजित भएको हो।

त्रिपुरेश्वरस्थित दशरथ रंगशलामा आज (शुक्रबार) भएको पुरुषतर्फको दोस्रो खेलमा नेपाल बहराइनसँग ७–२७ को फरक स्कोरमा पराजित भएको हो।

प्रतियोगितामा यो नेपालको दोस्रो पराजय हो।

पहिलो खेलमा नेपाल उज्वेकिस्तानसँग ०–२४ को लज्जाजनक स्कोरले पराजित भएको थियो।

पुरुषतर्फ भारतसँग श्रीलंका २९–१० को स्कोरमा पराजित भएको छ।

त्यसैगरी, जोर्डनलाई फिलिपिन्सले ०–२६ ले पराजित गरेको थियो।

भोलि (शनिबार) सम्म संचालन हुने उक्त प्रतियोगितामा पुरुषतर्फ आयोजक नेपालसहित फिलिपिन्स, बहराइन, काजाकिस्तान, अफगानिस्थान, उज्वेकिस्तान, पाकिस्तान, भारत, कतार, साउदी अरेबिया, जोर्डन, बंगलादेश, चाइनिज ताईपेइ र श्रीलंका छन्।