राहत कोषमा एफसीएएनको १ करोड सहयोग

नेपाल निर्माण व्यवसायी विकास परिषद् (एफसीएएन) ले प्रधानमन्त्री दैवी प्रकोप उद्धार कोषका लागि आज (आइतबार) १ करोड रुपैयाँको चेक हस्तान्तरण गरेको छ।

प्रधानमन्त्री तथा मन्त्रिपरिषद्को कार्यालय, सिंहदरबारमा परिषद्का अध्यक्ष एवं भौतिक पूर्वाधार तथा यातायात व्यवस्थामन्त्री देवेन्द्र दाहालले प्रधानमन्त्री केपी शर्मा ओलीलाई सो रकम हस्तान्तरण गरेका हुन्।

गृहमन्त्री रमेश लेखक, भौतिक पूर्वाधार मन्त्रालयका सचिव केशवकुमार शर्मा, नेपाल निर्माण व्यवसायी महासंघका अध्यक्ष रवि सिंहलगायत सहभागी सो अवसरमा विकास निर्माणका काम र विद्यमान कानुनी एवं अभ्यासमा देखिएका समस्या फुकाउने विषयमा समेत छलफल भएको थियो।

प्रधानमन्त्री ओलीले समस्याबारे पटक–पटक छलफल हुने तर समस्या यथावत् रहने अवस्था अन्त्य गर्न निर्देशन दिएको जानकारी प्रधानमन्त्रीको सचिवालयले दिएको छ।

तस्बिर: प्रधानमन्त्रीको सचिवालय