एएफसी यु–१७ एसियन कप छनोटमा नेपालको दोस्रो हार

एएफसी १७ वर्षमुनिको एशियन कप छनोटको दोस्रो खेलमा पनि नेपाल पराजित भएको छ।

कतारको दोहामा गएराति भएको खेलमा नेपाल घरेलु टोलीसँग ५–० गोलले पराजित भएको हो।

कतारसँगको खेलमा नेपालले गोलको लागि मौका नै बनाउन सकेन।

समूह ‘एफ’मा रहेको नेपाल पहिलो खेलमा जापानसँग नेपाल ९–२ ले पराजित भएको थियो।

लगातार दोस्रो खेलमा पनि पराजित भएपछि नेपाल अर्को वर्ष साउदी अरबमा हुने एएफसी यु–१७ वर्षमुनिको एसियन कपमा छनोट हुन असफल भएको छ।

नेपालले आफ्नो अन्तिम खेलमा भोलि (आइतवार) बेलुका मंगोलियासँग खेल्नेछ।