चिनियाँ धाविका रोङ क्रस कन्ट्री च्यालेन्ज इन्डिभिजुअलको च्याम्पियन

महिलातर्फ चिनियाँ धाविका झेङ वाङ रोङ क्रस कन्ट्री च्यालेन्ज इन्डिभिजुअल इभेन्टतर्फकी च्याम्पियन बनेकी छन्।

रोङले उक्त दौड ४ घन्टा ४१ मिनेट ४८ सेकेण्डमा पूरा गर्दै च्याम्पियन बनिन्।

यस इभेन्टमा च्याम्पियन बनेकी रोङले १ लाख ५२ हजार ८ सय रुपैयाँ (८ हजार आरएमबी) नगदसहित मेडल र प्रमाणपत्र पुरस्कार जितिन्।
नेपाली धाविका कल्पना बुढा उपविजेता बनिन्।

९ मिनेटले पछि रहेकी उनले उपविजेता बन्न ४ घन्टा ५० मिनेटको समय लगाइन्।

उपविजेता बनेकी कल्पनाले १ लाख १४ हजार ६ सय रुपैयाँ (६ हजार आरएमबी) नगदसहित मेडल र प्रमाणपत्र पुरस्कार हात पारिन्।

यस्तै, महिलातर्फ नै ५ घन्टा ८ मिनेट १८ सेकेण्डमा दौड पूरा गरी राममाया बुढा तेस्रो बनिन्।

तेस्रो बनेकी राममायाले ७६ हजार ४ सय (४ हजार आरएमबी) नगदसहित मेडल र प्रमाणपत्र पुरस्का प्राप्त गरिन्।

लाक्पा निङ्मा शेर्पाले ५ घन्टा २५ मिनेट २५ सेकेण्डमा दौड पुरा गरी चौथो बनिन् ।

मिनु बुढाले ५ घन्टा ३० मिनेट ३९ सेकेण्डमा दूरी पार गरी पाँचौ स्थान हासिल गरिन्।

त्यस्तै छोकी शेर्पा छैटौं र नितु तामाङ सातौं स्थानमा आइन्।

चौथो लाक्पा र पाँचौ मिनु, छैटौं छोकी र सातौं स्थानमा आएकी नितुले समान ३८ हजार २ सय रुपैयाँ (२ हजार आरएमबी) नगदसहितको पुरस्कार हात पारे।

त्यस्तै, यस इभेन्टको आठौं स्थानमा आस्मा बि.क. नवौं स्थानमा चिनियाँ वु यु क्यु र दशौं स्थानमा ज्ञानु चौधरी आइन्।

आठौंदेखि दशौं स्थानसम्म आउने आस्मा, क्यु र ज्ञानुले समान १९ हजार १ सय (१ हजार आरएमबी) नगदसहितको पुरस्कार प्राप्त गरे।

च्यालेन्ज इन्डिभिजुअलतर्फ नेपाली महिला तथा पुरुष ८७ र चिनतर्फका २९ जनाको सहभागिता थियो।