मैत्रीपूर्ण फुटबलमा ताजिकिस्तानसँग नेपालको लज्जाजनक हार

ताजिकिस्तानसँगको मैत्रीपूर्ण फुटबल खेलमा नेपाल पराजित भएको छ।

ताजिकिस्तानको डुशानबे सेन्ट्रल स्टेडियममा भएको मैत्रीपूर्ण फुटबल खेलमा नेपाल ताजिकिस्तानसँग ४–० को फरक गोल अन्तरले पराजित भएको हो।

नेपालले पहिलो हाफमा ३ गोलले पछि परेको थियो भने दोस्रो हाफमा थप १ गोल ब्यहोरेको थियो।

ताजकिस्तानका शेर्भोनी माबत्शोएव र मनुचेखर जालिलोभले समान २ गोल गरे।

अब, नेपालले यसै मैदानमा आगामी शनिबार अफगानिस्तानविरुद्ध पनि मैत्रीपूर्ण खेल खेल्ने तालिका छ।

फिफा वरीयता १५१ औं स्थानमा रहेको अफगानिस्तानसँग नेपालले अहिलेसम्म ६ खेल खेलेको छ।

जसमा, ३ खेलमा जित हासिल गरेको छ।

२ खेल बराबरी खेलेको छ।

१ खेलमा हार ब्यहोरेको छ।

२०१३ यता नेपालले अफगानिस्तानसँग पहिलो पटक फुटबल खेल्दैछ।