पत्रकार आरजु विष्ट ‘सल्यानी’ लाई पोखरामा सम्मान

पोखराका क्रियाशील पत्रकार आरजु विष्ट ‘सल्यानी’ लाई शनिबार पोखरामा सम्मान प्रदान गरिएको छ।

पुस्तक तथा स्टेसनरी व्यवसायी संघ कास्कीले ३१ औ साधारणसभा तथा १२ औ अधिवेशनको अबसरमा पत्रकार ‘सल्यानी’ लाई सम्मान प्रदान गरिएको हो।

व्यावसायिक क्षेत्रका उत्थान कार्यहरूको प्रबद्र्धनमा पत्रकारिताका माध्यमबाट महत्वपूर्ण योगदान दिएको भन्दै पत्रकार ‘सल्यानी’ लाई सम्मान गरेको संघले हो।

प्रमुख अतिथि पोखरा महानगरका प्रमुख धनराज आचार्य, संघका अध्यक्ष कविन्द्र पोखरेलले पत्रकार ‘सल्यानी’ लाई दोसल्ला, माला र सम्मानपत्रले सम्मान गरेका हुन्।

सम्मानीत पत्रकार विष्टले यो सम्मानले आफूलाई कर्मक्षेत्रमा काम गर्नका लागि थप उर्जा मिलेको बताए।

उनले हाल व्यावसायिक क्षेत्रको अवस्था नाजुक भएको बताए।

यसलाई चलायमान बनाउन नियमनकारी निकायको भूमिका महत्पूर्ण हुने र निजी क्षेत्रसँगको समन्वय अपिरहार्य भएको उनले उल्लेख गरे।

करिब, ३ दशकदेखि पत्रकारिता गर्दै आएका ‘सल्यानी’ हाल अन्नपूर्ण एफएम र सफल आवाज डटकममा कार्यरत छन्।