स्याङ्जाको कोल्मा बहाकोटमा पाँचौं संस्करणको खुल्ला दौड हुँदैं

स्याङ्जाको कोल्मा बहाकोटमा यस वर्ष पनि खुल्ला दौड हुँदैछ।

सात सय कोल्मा बहाकोट सम्पर्क मञ्च, स्याङ्जाद्वारा विगतमा जस्तै यस वर्षपनि पाँचौं संस्करणको २५ कि.मि.को खुल्ला दौड, खुल्ला महिला र २१ वर्षमुनिको १० कि.मि. दौड, विद्यालयस्तरीय ५ कि.मि. दौडको आयोजना गर्न लागेको हो।

मञ्चले पोखरामा आज (सोमबार) पत्रकार सम्मेलनको आयोजना गरी आगामी पुषको ८ गते खुल्ला दौड हुने जानकारी गराएको हो।

२५ कि.मि.को खुल्ला दौड प्रतियोगिताका विजेताले नगद ५० हजार रुपैयाँ, ट्रफी, मेडल र प्रमाणपत्र पुरस्कार पाउनेछन्।

दोस्रो हुनेले नगद ४० हजार रुपैयाँ, ट्रफी, मेडल र प्रमाणपत्र पुरस्कार पाउनेछन्।

त्यसैगरी, तेस्रो हुनेले नगद ३० हजार रुपैयाँ, ट्रफी, मेडल र प्रमाणपत्र पुरस्कार पाउनेछन्।

यस्तै, १० कि.मि.को २१ वर्षमुनिका धावक र खुल्ला महिला दौडको विजेताले नगद १५ हजार रुपैयाँ, ट्रफी, मेडल र प्रमाणपत्र पुरस्कार पाउनेछन्।
दोस्रो हुनेले नगद १० हजार रुपैयाँ, ट्रफी, मेडल र प्रमाणपत्र पुरस्कार पाउनेछन्।

त्यसैगरी, तेस्रो हुनेले नगद ५ हजार रुपैयाँ, ट्रफी, मेडल र प्रमाणपत्र पुरस्कार पाउनेछन्।

विद्यालयस्तरीय ५ कि.मि. दौडका विजेताले नगद १२ हजार रुपैयाँ ट्रफी, मेडल र प्रमाणपत्र पुरस्कार पाउनेछन्।

दोस्रो हुनेले नगद ८ हजार रुपैयाँ, ट्रफी, मेडल र प्रमाणपत्र पुरस्कार पाउनेछन्।

तेस्रो हुनेले नगद ४ हजार रुपैयाँ, ट्रफी, मेडल र प्रमाणपत्र पुरस्कार पाउनेछन्।

मञ्चका अध्यक्ष दुतप्रसाद गुरुङले कोल्मा बहाकोट स्याङ्जाको ४ थुमभित्र रहेको एक ऐतिहासिक कोट भएको र त्यस क्षेत्रको स्थानीय भाषा, संस्कार, संस्कृति र स्थानीय खानाका साथै पौराणिक खेलकुदको प्रबद्र्धन हुने विश्वास लिएका छन्।

यसले त्यस क्षेत्रको आन्तरिक पर्यटन गर्ने उद्देश्य रहेको गुरुङको भनाई छ।

गुरुङका अनुसार कोल्मा बहाकोट क्षेत्रमा सोरठी, घाँटु, झोरा, भजनकीर्तन र पञ्चेबाजाको संरक्षण र सम्बद्र्धन हुनेछ।

प्रतियोगिताको तयारीलाई तिब्र पारिएकोे मञ्चका सचिव जीवन थापामगरले बताए।

मगरका अनुसार, प्रतियोगितालाई सफल बनाउन मञ्चका अध्यक्ष गुरुङको संयोकत्वमा विभिन्न समिति, संयोजक र सदस्यहरु तोकिएको छ।