एसीसी यु–१९ पुरुषको एशिया कपमा नेपालको खराब सुरुवात

एसीसी यु–१९ पुरुष एशिया कपको पहिलो खेलमा नेपालको खराब सुरुवात गरेको छ।

नेपाल पहिलो खेलमा श्रीलंकासँग ५५ रनले पराजित भएको छ।

श्रीलंकाले दिएको २३४ रनको लक्ष्य पछ्याएको नेपाल ४६ ओभर २ बलमा १७८ रनमा अलआउट भयो।

नेपालका मयन यादवले सबैभन्दा धेरै ६२ रन बनाए।

श्रीलंकाका प्रभीन मनीषाले ३ विकेट लिए।

यसअघि, युएईको शारजहामा टस हारेर ब्याटिङको निम्तो पाएको श्रीलंकाले ५० ओभरमा सबै विकेट गुमाएर २३३ रन बनायो।

श्रीलंकाका शारुजन शानमुगनाथनले ६२ रन बनाए।

नेपालका सन्तोष यादवले ४ विकेट लिए।

युएईमा आज (शुक्रबार) देखि सुरू प्रतियोगितामा ८ देश सहभागी छन्।

१९ वर्षमुनिको एशिया कप क्रिकेटको समूह ’ए’ मा भारत, पाकिस्तान, जापान र यूएई छन्।

समूह ’बी’ मा नेपाल, श्रीलंका, बंगलादेश र अफगानिस्तान छन्।

नेपालले समूह चरणको दोस्रो खेलमा आउँदो आइतवार बंगलादेशसँग खेल्नेछ।

तेस्रो तथा अन्तिम खेलमा आउँदो मंगलबार अफगानिस्तानसँग खेल्नेछ।

समूहका शीर्ष २ टोली सेमिफाइनलमा पुग्नेछन्।

तस्बीरः एसीसी