एनपीएल सुरु, उद्घाटन खेलमा जनकपुरले विराटनगरलाई हरायो

नेपालकै खेल इतिहासमा पहिलो पटक आयोजना गरेको फ्रेन्चाइज नेपाल प्रिमियर लिग क्रिकेट (एनपीएल) सुरु भएको छ।

बहुप्रतिक्षित एनपीएलको उद्घाटन खेलमा जनकपुर बोल्टले विजयी सुरुवात गरेको छ।

जनकपुरले विराटनगर किङ्सलाई ८ विकेटले हराउँदै विजयी सुरुवात गरेको हो।

विराटनगरले दिएको १२८ रनको लक्ष्य पछ्याएको जनकपुरले १५ ओभर ३ बलमा भेट्टायो।

जनकपुरका लागि लाहिरु मिलान्थाले अविजित ७५ रन बनाए।

हर्ष ठाकरले अविजित २९ रन बनाए।

विराटनगरका क्रिस सोल र प्रतिश जिसीले समान १÷१ विकेट लिए।

त्यसअघि, त्रिवी क्रिकेट मैदान टस हारेर पहिले ब्याटिङ गरेको विराटनगर किङ्स १९ ओभरमा १२७ रन बनाउँदा अलआउट बन्यो।

विराटनगरका लागि मार्टिन गप्टिलले सर्वाधिक ५५ रन बनाए।

जनकपुरका ललित राजवंशीले ३ विकेट लिए।

यस्तै, किशोर महतो र हर्ष ठाकरले समान २÷२ विकेट लिए।

खेलमा अर्धशतक प्रहार गरेका लाहिरु मिलन्था ‘प्लेयर अफ द म्याच’ बने।

खेलमा ५३ बलमा ९ चौका र ३ छक्काको सहयोगमा मिलन्थाले नट आउट ७५ रन बनाएका थिए।

कीर्तिपुरस्थित त्रिवि मैदानमा शनिबारदेखि सुरु फ्रेन्चाइज एनपीएलमा ८ टोलीबीच प्रतिस्पर्धा हुँदैछ।

आइतबार भने प्रतियोगितामा कुनैपनि खेल हुनेछैन।

स्थानीय तहको उपनिर्वाचन रहेकाले भोलि (आइतबार) कुनैपनि खेल नभएको हो।

एनपीएलको दोस्रो दिन पर्सि (सोमबार) २ खेल हुनेछन्।

सोमबारको पहिलो खेलमा काठमाण्डौं गुर्खाजविरुद्ध चितवन राइनोजले बिहान ९ः१५ बजे प्रतिस्पर्धा गर्नेछन्।

त्यसैगरी, सोमबार नै बिहान १ः१५ बजेखि सुरु हुने दोस्रो खेलमा जनकपुर बोल्टविरुद्ध कर्णाली याक्सले प्रतिस्पर्धा गर्ने खेल तालिका छ।

पुस ६ गतेसम्म चल्ने प्रतियोगिता चल्नेछ।

लिगमा कुल ३२ खेल हनेछन्।

कीर्तिपुरस्थित टियु मैदानमै लिगका सबै खेलहरु हुनेछन्।