नेत्रहीन टी–२० विश्वकपको सेमिफाइनलमा पाकिस्तानसँग नेपालको हार

नेत्रहीन टी–२० विश्वकपको पहिलो सेमिफाइनलमा नेपाल पाकिस्तानसँग पराजित बनेको छ।

नेपाललाई हराएसँगै आयोजक पाकिस्तान नेत्रहीन टी–२० विश्वकप क्रिकेटको फाइनलमा पुगेको छ।

पाकिस्तानको मुल्तानमा आइतबार भएको पहिलो सेमिफाइनलमा पाकिस्तानले नेपाललाई १० विकेटले हरायो।

नेपालले दिएको ९५ रनको लक्ष्य पाकिस्तानले ५ ओभर ३ बलमा १ विकेटपनि नगुमाई भेट्टायो।

पाकिस्तानका कमरन अख्तरले सर्वाधिक ६३ रन बनाए।

त्यसपछि, बाबर अलीले २८ रन जोडे।

यसअघि, टस हारेर ब्याटिङको निम्तो पाएको नेपालले २० ओभरमा ७ विकेट गुमाएर ९४ रन बनायो।

नेपालका दुर्गादत्त पौडेलले सर्वाधिक ४० रन बनाए।

त्यसपछि, रमेश बानियाँले अविजित १७ रन जोडे।

नेपालका अन्य ब्याटरले दोहोरो अंकमा रन जोड्न सकेनन्।

पाकिस्तानका मती उल्लाहले ३ विकेट लिए।

त्यसैगरी, बाबर मुनिरले १ विकेट लिए।

सन् २०१२ देखि नेत्रहीन टी–२० विश्वकपमा सहभागी हुँदै आएको नेपाल पहिलो पटक सेमिफाइनलमा पुगेको थियो।

फाइल तस्बीर