एसीसी यु–१९ पुरुष एशिया कपमा नेपालको लगातार दोस्रो हार

एसीसी यु–१९ पुरुष एशिया कपको नेपालले लगातार दोस्रो हार खेपेको छ।

युएईमा चलिरहेको प्रतियोगितामा नेपालले लगातार दोस्रो खेलमा बंगलादेशसँग ५ विकेटले पराजित भोगेको हो।

नेपालले दिएको १४२ रनको लक्ष्य बंगलादेशले २८ ओभर ४ बलमा ५ विकेट गुमाएर भेट्टायो।

बंगलादेशका जवाद अब्राररले सर्वाधिक ५९ रन बनाए।

त्यसपछि, कप्तान अजिजुल हकिमले नटआउट ५२ रन बनाए।

नेपालका युवराज खत्रीले ४ विकेट लिए।

यसैगरी, कप्तान हेमन्त धामीले १ विकेट लिए।

यसअघि दुबईमा टस हारेर ब्याटिङको निम्तो पाएको नेपाल ४५ ओभर ४ बलमा १४१ रनमा अलआउट बन्यो।

नेपालका ओपनर ब्याटर आकाश त्रिपाठीले सर्बाधिक ४३ रन बनाए।

यस्तै, अभिषेक तिवारीले सर्वाधिक २९ रन बनाए।

त्यसपछि, उत्तम मगरले २९ रन बनाए।

बंगलादेशका अल फहाद, इकबाल होसेन इमोन र रिजान होसनले समान २/२ विकेट लिए।

नेपाल पहिलो खेलमा श्रीलंकासँग ५५ रनले पराजित हारेको थियो।

समूह चरणको तेस्रो तथा अन्तिम खेलमा नेपालले पर्सि मंगलबार अफगानिस्तानसँग खेल्नेछ।

१९ वर्षमुनिको एशिया कप क्रिकेटको समूह ‘ए’ मा भारत, पाकिस्तान, जापान र यूएई छन्।

समूह ‘बी’ मा नेपाल, श्रीलंका, बंगलादेश र अफगानिस्तान छन्।

समूहका शीर्ष २ टोली सेमिफाइनलमा पुग्नेछन्।

तस्बीरः क्यान