एनपीएलमा चितवन राइनोजको विजयी सुरुवात

चितवनले काठमाण्डौ गुर्खाजलाई ५ विकेटले हरायो

जनसम्मत
मंसिर १७, २०८१, सोमबार

नेपाल प्रिमियर लिग (एनपीएल) क्रिकेटमा चितवन राइनोजले विजयी सुरुवात गरेको छ।

चितवन राइनोजले काठमाण्डौ गुर्खाजलाई ५ विकेटले हराएको हो।

कीर्तिपुरको त्रिवि क्रिकेट मैदानमा काठमाण्डौले दिएको ११२ रनको लक्ष्य चितवनले १७ ओभर १ बलमा ५ विकेट गुमाएर भेट्टायो।

चितवनका सन्तोष कार्कीले २८ र विदेशी खेलाडी लुक बेनकेनस्टाइनले सर्वाधिक २२ रन बनाए।

काठमाण्डौ गुर्खाजका शाहब आलमले सर्वाधिक ३ विकेट लिए।

यसैगरी, गेहरार्ड इरस्मस र डान डौथवेटले १/१ विकेट लिए।

यसअघि, टस हारेर ब्याटिङको निम्तो पाएको काठमाण्डौले २० ओभरमा ९ विकेट गुमाएर १११ रन बनायो।

काठमाण्डौका सुमित महर्जनले सर्वाधिक २९ रन बनाए।

त्यसैगरी, माइकल लेभिटले २५ रन बनाए।

त्यस्तै, डान डौथवेटले १९ रन बनाए।

चितवनका विदेशी खेलाडी सोहेल तनभिरले सर्वाधिक ५ विकेट लिए।

यस्तै, रिजन ढकाल, कुशल मल्ल, अमर राउटेला र लुक बेनकेन्स्टाइनले १/१ विकेट लिए।