यु–१९ महिला टी–२० विश्वकपमा नेपालको लगातार दोस्रो हार

आइसीसी यु–१९ महिला टी–२० विश्वकप क्रिकेटमा नेपाली टोलीले लगातार दोस्रो हार ब्यहोरेको छ।

मलेसियाको बांगीमा भएको दोस्रो खेलमा पनि नेपाल स्कटल्यान्डसँग १ विकेटले पराजित भएको हो।

नेपालले दिएको ७४ रनको लक्ष्य स्कटल्यान्डले १८ ओभर ४ बलमा ९ विकेट गुमाएर भेट्टायो।

स्कटल्यान्डकी पिपा स्प्रोलले सर्वाधिक ३५ रन बनाइन्।

नेपालकी रचना चौधरी र सीमाना केसीले समान २/२ विकेट लिए।

टस जितेर ब्याटिङ गरेको नेपाल १८ ओभर ५ बलमा ७३ रनमा अलआउट बन्यो।

नेपालकी पूजा महतोले सर्वाधिक २७ रन बनाइन्।

स्कटल्यान्डकी मेसे मसेराले ५ विकेट लिइन्।

प्रतियोगितामा नेपालको यो लगातार दोस्रो हार हो।

योसँगै नेपालको सुपर सिक्स पुग्ने संभावना कमजोर बनेको छ।

नेपाल पहिलो खेलमा बंगलादेशसँग ५ विकेट पराजित भएको थियो।

नेपालले समूह चरणको अन्तिम खेलमा पर्सि (बुधवार) अस्ट्रेलियासँग खेल्नेछ।

प्रतियोगितामा १६ वटा टोलीलाई ४ समूहमा विभाजन गरिएको छ।

समूह ‘ए’ मा भारत, मलेसिया, श्रीलंका र वेस्ट इन्डिज छन्।

समूह ‘बी’ मा इंग्ल्यान्ड, आयरल्यान्ड, पाकिस्तान र अमेरिका छन्।

समूह ‘सी’ मा न्युजिल्यान्ड, नाइजेरिया, सामोआ र दक्षिण अफ्रिका छन्।

समूह ‘डी’ मा नेपालसहित अस्ट्रेलिया, बंगलादेश र स्कटल्यान्ड छन्।

हरेक समूहका शीर्ष ३ टोली ‘सुपर सिक्स’ मा पुग्नेछन्।

१९ वर्षमुनिको महिला टी–२० विश्वकपको फाइनल खेल माघ २० गते हुनेछ।

आइसीसी यु–१९ महिला टी–२० विश्वकप क्रिकेटको फाइनल खेल माघ २० गते हुनेछ।