बागलुङ नगरपालिका बालमैत्री स्थानीय शासनयुक्त घोषणा

बागलुङ नगरपालिकालाई बालमैत्री स्थानीय शासनयुक्त घोषणा गरिएको छ।

देशभरबाट २५ औ र जिल्लाको दोस्रोे स्थानिय तहको रुपमा बागलुङ नगरपालिकालाई बालमैत्री स्थानीय शासनयुक्त घोषणा गरिएको हो।

बालमैत्री स्थानीय शासन राष्ट्रिय रणनीति र बालमैत्री स्थानीय शासन कार्यान्वयन कार्यविधि २०७८, घोषणा कार्यविधि २०७९ र स्थानीय सरकार संचालन ऐन २०७४ बमोजिम बालमैत्री स्थानीय शासनयुक्त घोषणा गरिएको हो।

२०७९ जेष्ठ ६ गतेको बागलुङ कार्यपालिकाको बैठकले बालमैत्री स्थानीय शासन नगर घोणना गर्ने निर्णय गरेको थियो।

यसअघि, बालमैत्री स्थानीय शासन राष्ट्रिय रणनीतिका ५१ सूचक पूरा गरेपछि बागलुङ नगरपालिकाका १४ वडालाई बालमैत्री वडा घोषणा गरिसकिएको छ।

नगरपालिकाले आगामी दिनमा हरेक विकास निर्माणलाई बालमैत्री तरिकाले बनाउनुपर्ने भएको छ।

उपप्रधान तथा सहरी विकासमन्त्री प्रकाशमान सिंहले बालमैत्री स्थानीय शासनयुक्त घोषणा गरेका हुन्।

मन्त्री सिंहले कार्यक्रममा बोल्दै बालबालिकाहरुको हकहितको लागि जागरण र चेतना फैलाई दिगो भविष्य निमार्णमा सबै लाग्नुपर्नेमा जोड दिएका छन्।

‘बालमैत्री अभियानले बालबालिकाहरुको गुणस्तरीय व्यवहारिक शिक्षा र सिकाईमार्फत देशले असल नागरिक पाउनेछन्’, मन्त्री सिंहले भने।