गण्डकी प्रदेशले आफ्नो आठौँ स्थापना दिवस मनाउँदै

गण्डकी प्रदेशले भोली (मंगलबार) आफ्नो आठौँ स्थापना दिवस मनाउँदैछ।

स्थापना दिवसको अवसरमा गण्डकी प्रदेशभर भोली (मंगलबार) सार्वजनिक बिदा दिइएको छ।

गण्डकी प्रदेशका सबै सरकारी कार्यालय, शैक्षिक संस्था र सार्वजनिक सेवाप्रदायक निकायमा बिदा दिइएको हो।

२०७४ साल माघ २२ गते गण्डकीमा पहिलो संसद् बैठक बसेकोले त्यसै दिनलाई आधार मानेर प्रदेशसभाले आफ्नो स्थापना दिवस मनाउन लागेको हो।

दिवसको अवसरमा गण्डकी प्रदेशका मुख्यमन्त्री सुरेन्द्रराज पाण्डेले संघीयता कार्यान्वयनसँगै प्रदेश सरकार सुशासन र सामाजिक न्यायलाई आत्मसात् गर्दै दिगो विकासको लक्ष्यमा अघि बढिरहेको बताएका छन्।

गण्डकी प्रदेश सरकार, मन्त्रिपरिषदको सोमबारको निर्णयानुसार गण्डकी प्रदेश स्थापना दिवसको अवसरमा माघ २२ गते मंगलबार गण्डकी प्रदेशभित्रका सबै सरकारी कार्यालय, शैक्षिक संस्था र सार्वजनिक संस्थानमा सार्वजनिक बिदा दिने निर्णय भएको गन्डकी प्रदेश सरकारका उपसचिव सुरण प्रसाद शर्मा पौडेलद्वारा प्रकाशित सूचनामा जनाएको छ।