३ महिनामा प्रेस स्वतन्त्रता हननका १३ घटना

३ महिनामा प्रेस स्वतन्त्रता हननका १३ घटना भएका छन्।

प्रेस काउन्सिल नेपालले नियमित रूपमा गर्दै आएको मिडिया अनुगमनमा यी घटना भएको पाइएको हो।

घटनाबारे काउन्सिलले मंगलबार विज्ञप्ति जारी गर्दै जानकारी गराएको हो।

काउन्सिलका प्रवक्ता वरिष्ठ प्रशासकीय अधिकृत दीपक खनालद्वारा जारी विज्ञप्तिमा धम्की/दुर्व्यवहार र पेसागत असुरक्षाका घटना सबैभन्दा बढी रहेको उल्लेख छ।

यस्तै, धम्की/दुर्व्यवहार ४, कुटपिट/आक्रमणका ३, पेसागत असुरक्षा २, कब्जा/अवरोधको १, गिरफ्तारीको १ घटनाहरु छन्।

प्रदेशअनुसार सबैभन्दा बढी बाग्मती र मधेस प्रदेशमा ४/४ घटना भएका छन्।

यस्तै, कर्णालीमा २, कोशीमा १, गण्डकीमा १ र सुदूरपश्चिममा १ घटना भएको विज्ञप्तिमा जनाइएको छ।

यस अवधिका घटनाबाट १५ पुरुष र ३ जना महिला पीडित भएका छन्।

प्रेस काउन्सिलको प्रेस स्वतन्त्रता अनुगमन तथा मिडिया प्रवर्द्धन महाशाखाअन्तर्गत रहेको प्रेस स्वतन्त्रता अनुगमन तथा कानुन शाखाले देशभरका

संचार माध्यम र पत्रकारको अवस्थाबारे नियमित अनुगमनका साथै श्रमजीवी पत्रकारका उजुरी/निवेदनको सुनुवाइ गर्दै आएको छ।

हेरौं, विज्ञप्ति

फाइल तस्बीर