लमजुङ बेसीशहरको शान्ति टोल तमु समाजले जित्यो नृत्य प्रतियोगिताको उपाधि

प्रतियोगितामा ११ टिमको सहभागिता थियो

जनसम्मत
फागुन १५, २०८१, बिहीवार

लमजुङको बेसीशहर नगरपालिका–७ को शान्ति टोल तमु समाजले सामूहिक आमा समूह नृत्य प्रतियोगिताको उपाधि जितेको छ।

प्रथम लमजुङ खेलकुद तथा साँस्कृतिक महोत्सव–२०८१ मा आयोजना गरिएको आमा समूह सामुहिक नृत्य प्रतियोगितामा बेसीशहरको सो आमा समूह प्रथम बनेको हो।

विजेता शान्ति टोल तमु समाजे ३० हजार रुपैयाँ नगद पुरस्कार जित्यो।

त्यसैगरी, प्रतियोगितामा सुन्दरबजार नगरपालिका–७ को दिदीवहिनी कृषक समूह दोस्रो बन्यो।

उसले नगद २० हजार रुपैयाँ पुरस्कार प्राप्त गर्‍यो।

यस्तै, दोर्दी गाउँपालिका–८ का दोर्दी आमा समूहले तृतीय स्थान हासिल गर्‍यो।

तेस्रो बनेको दोर्दी आमा समूहले नगद १० हजार रुपैयाँ पुरस्कार प्राप्त गर्‍यो।

बेसीशहर नगरपालिका–७ को मनाङे चौतारा तमु समाज र दोर्दी गाउँपालिका–८ को बुद्धमिलन आमा समूहले सान्त्वना स्थान हासिल गरे।

शान्त्वना स्थान हासिल गरेका मनाङे चौतारा तमु समाज र बुद्धमिलन आमा समूहले समान नगद ५/५ हजार पुरस्कार हात पारे।

महोत्सवको अवसरमा फागन १३ र १४ गते आयोजना गरिएको नृत्य प्रतियोगितामा ११ टिमको सहभागिता थियो।

बेंसीशहर नगरपालिका–७, सहजीस्थित खेलमैदानको लागि जग्गा खरिद गर्न आर्थिक सकंलन गर्ने उद्देश्यले यहि फागुन ६ गतेदेखि १८ गतेसम्म प्रथम लमजुङ खेलकुद तथा साँस्कृतिक महोत्सव–२०८१ को आयोजना गरिएको हो।

बेसीशहरको सहजी खेलमैदानमा जारी महोत्सवमा दैनिक राष्ट्रिय तथा स्थानीय कलाकारहरुको प्रस्तुति रहँदै आएको छ।