सिंगापुरसँगको मैत्रीपूर्ण फुटबल खेलमा नेपालको ऐतिहासिक जीत

नेपालले सिंगापुरसँगको मैत्रीपूर्ण अन्तर्राष्ट्रिय फुटबल खेलमा ऐतिहासिक जीत निकालेको छ।

३६ वर्षपछि सिंगापुरसँगको मैत्रीपूर्ण फुटबल खेलेको नेपालले ऐतिहासिक जीत निकालेको हो।

हिँजो (शुक्रबार) बेलुका सिंगापुरको नेसनल स्टेडियममा भएको खेलमा नेपालले ऐतिहासिक सफलता प्राप्त गरेको हो।

जिलेप्सीजंग कार्कीको गोलमा नेपालले घरेलु टोली सिंगापुरलाई १–० ले हरायो।

कार्कीले खेलको १२ औं मिनेटमा गरेको गोल नै निर्णायक भयो ।

नयाँ मुख्य प्रशिक्षकमा नियुक्त भएयता म्याट रसको नेतृत्वमा नेपालले खेलेको यो पहिलो खेल हो।

अन्तर्राष्ट्रिय फुटबलमा नेपालले सिंगापुरलाई हराएको पनि यो पहिलो पटक हो।

यस्तै, नेपालले सिंगापुरलाई गोल गरेको पनि यो नै पहिलो पटक हो।

यसअघि, ३ खेलमा नेपाल सिंगापुरसँग पराजित भएको थियो भने १ खेलमा बराबरी खेलेको थियो।

अब, नेपालले एशिया कप छनोटअन्तर्गतको तेस्रो चरण खेल्नेछ।

सन् २०२७ मा साउदी अरेबियामा हुने एशियन कपको अन्तिम चरणको छनोट यही मार्च २५ तारिखदेखि सुरू हुँदैछ।