नेपाल सुपर लिग: पोखरा थन्डर्सको दोस्रो हार

नेपाल सुपर लिगमा पोखरा थन्डर्स एफसीले दोस्रो हार ब्यहोरेको छ।

पोखरा थन्डर्सलाई साविक विजेता ललितपुर सिटी एफसीले हराएको हो।

आफ्नो दोस्रो खेल खेलेको साविक विजेता ललितपुर सिटी एफसीको भने यो जीत पहिलो हो।

काठमाण्डौंको त्रिपुरेश्वरस्थित दशरथ रंगशालमा आज (बुधबार) भएको खेलमा ललितपुरले पोखरा थन्डर्सलाई ३–२ गोलअन्तरले पराजित गरेको हो।

जीतपछि २ खेलबाट ४ अंक जोडेर ललितपुर अंकतालिकामा शीर्ष स्थानमा उक्लेको छ।

पोखराको यो लगातार दोस्रो हार हो।

यस संस्करणको फ्रेन्चाइज फुटबल प्रतियोगितामा २ खेलमा २ खेल नै हारेको पोखरा अंकविहीन छ।

ललितपुरका लागि विदेशी खेलाडी जोनाथान कान्टिलानाले २ तथा इमोह इजेकेलेले १ गोल गरे।

पोखराका लागि समिर तामाङ र विदेशी खेलाडी जोए आइडुले १/१ गोल गरे।

विवादका कारण केहीबेर तनावपूर्ण अवस्था भएपछि आजको खेल केहीबेर रोकिएको थियो।

प्रतियोगितामा आज (विहीबार) झापा एफसी र काठमाण्डौ रेजर्स खेल्दैछन्।