नेपाल सुपर लिग: चितवनको लगातार दोस्रो जीत

चितवन एफसीले नेपाल सुपर लिग (सिजन) ३ फुटबलमा लगातार दोस्रो जीत निकालेको छ।

पहिलो खेलमा पोखरा थन्डर्समाथि जीत निकालेको चितवन एफसीले आफ्नो दोस्रो खेलमा बुटबल लुम्बिनीमाथि पनि जीत निकाल्दै आफ्नो अपराजित यात्रालाई कायमै राखेको छ।

उसले जारी सुपर लिगमा ६ अंक बटुल्दै लिगको शीर्ष स्थानमा छ।

३ खेल खेलेको बुटवल २ हार र १ बराबरी खेल्दै १ अंकसहित छैटौं स्थानमा छ।

काडमाण्डौंको त्रिपुरेश्वरस्थित दशरथ रंगशालामा आज (शुक्रबार) भएको खेलमा चितवनले इञ्जूरी समयमा बुटवलमाथि १–० जीत निकाल्दै महत्वपूर्ण ३ अंक जोड्यो।

प्रशिक्षक नविन न्यौपानेको फ्रेन्चाइज टोली चितवन एफसीका लागि अट्याकिङ मिडफिल्डर ले इन्जुरी समयमा निर्णायक गोल गरे।

खेल अवधिभर चितवनसामु बाधक बनेको चितवन खेलको अन्त्यतिर टोरिक जेब्रिनको गोलमा बुटवल स्तब्ध बन्न पुग्यो।

प्रतियोगिताको सातौं दिन निर्धारित समय २ सुन्दर फ्रिकिक गोलमा परिणत नहुँदा खेल बराबरी उन्मुख थियो।

तर, जेब्रिनले इन्जुरी समयमा बक्स बाहिरबाट गरेको लोअर प्रहार गोलमा परिणत भयो।

जेब्रिनको लेफ्ट फुटेड प्रहारले बुटवलका गोलकिपर दीप कार्कीलाई बिट गराउँदै दोस्रो बारको जाली चुमेको थियो।

चितवनले पहिलो खेलमा पोखरा थण्डर्सविरुद्ध २–० को जित हासिल गरेको थियो।

यसअघि, पहिलो खेलमा झापा एफसीविरुद्ध गोलरहित बराबरी खेलेको बुटवलले दोस्रो खेलमा धनगढीसँग ४–१ को लज्जास्पद हार ब्यहोरेको थियो।

खेलको ४० औं मिनेटमा चितवनका मिडफिल्डर रोशन रानामगरले मिडफिल्डर प्रदीप लामालाई लडाएपछि बुटवलले फ्रिकिक प्राप्त गरेको थियो ।

तर, कप्तान एरिक विष्टले ३० यार्ड परबाट गरेको प्रहार क्रस बारमा ठोक्किएर रिबाउन्ड भएको थियो।

रिबाउन्ड बललाई बुटवलका खेलाडीले सदुपयोग गर्न सकेनन्।

खेलको ५४ औं मिनेटमा चितवनका मिडफिल्डर नोदीर माभ्लोनोभको सुन्दर सेटपीस गोलमा परिणत हुन सकेनन्।

उनको शक्तिशाली प्रहारलाई दीपले ‘फिंगर टिप’ उत्कृष्ट बचाउ गरेका थिए।