सेनेगल र अल्जेरिया अफ्रिका नेसन्स कपको फाइनल भिड्दै

अफ्रिका कप अफ नेसन्सको फाइनलमा सेनेगल र अल्जेरिया भिड्ने भएको छ ।

नेसन्स कपको पहिलो सेमीफाइनलमा ट्युनिसियालाई हराउँदै सेनेगल फाइनल पुगेको हो । दोस्रो सेमीफाइनलमा अल्जेरियाले नाइजेरियालाई २–१ गोलले हराउँदै फाइनल पुगेको हो ।

सेनेगललाई फाइनल पुग्न ट्युनिसियाले आत्मघाति गोलको उपहार दियो । अतिरिक्त समयमा ट्युनिसियाका डिफेन्डर दिलान ब्रोनले आफ्नै पोस्टमा बल छिराउँदा भाग्यले साथ दिएको सेनेगललाई फाइनल पुग्न सहयोग ग¥यो ।

निर्धारित समयमा दुबै टोलीले पेनाल्टीको अवसर पाएपनि दुबैको पेनाल्टी प्रहारलाई विपक्षी गोलकिपरले बचाउ गरे । अतिरिक्त समयमा साडियो मानेको फ्री–किक क्लियर गर्न खोज्दा हेड गर्दै ब्रोनले आफ्नै पोस्टमा गोल छिराएका थिए ।

पहिलो हाफको खेलमा ट्युनिसियालाई सेनेगलले दबाब राख्यो । पहिलो हाफमा सेनेगलले ट्यूनिसियाको पोष्टमा धेरै चार्ज गरेपनि सदुपयोग भने हुन सकेन । मानेले पाएको खुल्ला बललाई गोल गर्नबाट चुके ।

दोस्रो हाफमा ट्युनिसियाले सुधारिएको खेल खेल्यो । उसले पेनाल्टीको अवसर पनि पायो । सास्सीको फितलो पेनाल्टीलाई सेनेगलका कीपर अफ्रेड गोमिसले सहजै बचाउ गरे । लगत्तै चार मिनेटपछि सेनेगेलले पनि पेनाल्टी पायो । साइभेटको प्रहारलाई ट्युनिसियका कीपर हसनले बचाउ गरे ।

दोस्रो सेमीफाइनलको खेलमा रियाद महरेजको फ्री–किकमा अल्जेरिया अफ्रिका कप अफ नेसन्सको फाइनलमा प्रवेश ग¥यो । खेलको अन्तिम समयमा म्यानचेष्टर सिटीका फरवार्ड महरेजले गोल गरेपछि सेमिफाइनलमा नाइजेरियालाई २–१ ले हराउँदै अल्जेरिया फाइनल पुग्यो ।

खेलको ४० औ मिनेटमा विलियम ट्रोस्ट इकोङको आत्मघाती गोलबाट अल्जेरियाले अग्रता बनाएको थियो । ७२ औ मिनेटमा ओडियन इग्लुले पेनाल्टीमा गोल गर्दै नाइजेरियालाई बराबरीमा फर्काए । बराबरीमै खेल भइराख्दा अन्तिम मिनेटमा महरेजले फ्री–किक मार्फत गोल गर्न सफल रहे । महरेजकै गोलबाट अल्जेरियालाई फाइनल यात्राको बाटो खुल्यो ।