पोखरा, २१ चैत । नेपाल खेलकुद पत्रकार मञ्च गण्डकीले सल्लाहकारको स्वागत तथा सम्मान गरेको छ ।
मञ्चको गत चैत ८ मा सम्पन्न दोस्रो बैठकले सात सदस्यीय सल्लाहकार मनोनीत गरेको थियो ।
पोखरामा बुधबार आयोजित सल्लाहकार स्वागत तथा पोखरा स्पोर्टस् अवार्डबारे प्रारम्भिक छलफल कार्यक्रममा मञ्च संस्थापकतर्फबाट अध्यक्ष रामकृष्ण ज्ञवाली, पत्रकार महासंघ गण्डकी प्रदेशका अध्यक्ष तर्फबाट त्रिभुवन पौडेल, क्षेत्रीय खेलकुद विकास समितिको तर्फबाट सम्पन्न श्रेष्ठ, पत्रकार महासंघ कास्की अध्यक्षतर्फबाट दीपेन्द्र श्रेष्ठ, मञ्चका पूर्व अध्यक्षतर्फबाट विनोद लामिछाने, मञ्चका निवर्तमान अध्यक्ष केशव पाठक र पत्रकार दीननाथ बराललाई मनोनीत गरिएको व्यहोरासहितको पत्रसहित खादा लगाएर स्वागत सम्मान गरिएको हो ।
कार्यक्रममा सल्लाहकार रामकृष्ण ज्ञवालीले पैसा भएरमात्र कार्यक्रम सफल नहुने, यसमा विभिन्न चरणको छलफल, बैठक र योजना हुनुपर्ने बताए । पत्रकार महासंघ केन्द्रीय सदस्य समेत रहेका मञ्चका संस्थापक अध्यक्ष ज्ञवालीले मञ्चको आगामी अवार्डलगायत कार्यक्रममा आफ्नो तर्फबाट सक्दो सहयोग गर्ने बताए ।
पत्रकार महासंघ कास्की अध्यक्षसमेत रहेका मञ्चका सल्लाहकार दीपेन्द्र श्रेष्ठले विगतमा जस्तै विवेकसम्मत् सल्लाह सुझाव दिँदै जाने बताउँदै स्पोर्टस् अवार्ड प्रदेशस्तरमा गर्ने कि जिल्लास्तरमा गर्ने खाका बनाउनुपर्ने सुझाव दिए । उनले स्पोर्टस् अवार्डका लागि कुनै सन्दर्भ जोडेर क्यालेण्डर नै बनाई अघि बढ्नुपर्ने बताए ।
सल्लाहकार सम्पन्न श्रेष्ठले स्पोर्टस् अवार्डले खेल र खेलाडीको विकासमा सहयोग पुगेको बताए । क्षेत्रीय खेलकुद विकास समिति अध्यक्ष श्रेष्ठले स्पोर्टस् अवार्ड आफैमा ब्राण्ड बनेको बताए ।
पत्रकार महासंघ गण्डकी प्रदेश अध्यक्ष त्रिभुवन पौडेलले अवार्डको लागि पहिलो आवश्यकता भनेको आर्थिक नै हो भन्दै प्रस्तावना लिएर सम्भावित निकायमा जानुपर्ने सुझाव दिए ।
सल्लाहकार विनोद लामिछानेले पोखरा स्पोर्टस् अवार्डले खेलाडीलाई समेत उर्जा मिलेको बताए । उनले निश्चित गन्तव्य लिएर अघि बढेको मञ्चलाई आफूले विगतका दिनमा जस्तै आफ्नो तर्फबाट सल्लाह सुझावसहित विभिन्न सहयोग गर्ने प्रतिबद्धता व्यक्त गरे ।
सल्लाहकार दीननाथ बरालले कार्यक्रम गर्दा हुने विगतको गल्ति कमजोरी सुधार गर्दै अघि बढ्न मञ्चलाई सुझाव दिए । उनले मञ्चले नियमित रुपमा आयोजना गर्दै आएको पोखरा स्पोर्टस् अवार्ड पोखराको खेल पर्यटनको लागि समेत महत्वपूर्ण भएको बताए ।
मञ्च अध्यक्ष एकराज गिरीको अध्यक्षतामा भएको कार्यक्रमको संचालन महासचिव विजय नेपालले गरेका थिए । मञ्चले आगामी जेठ अन्तिम साता चौथो संस्करणको पोखरा स्पोर्टस् अवार्ड गर्ने तयारी गरेको छ ।
अस्ट्रेलियाको बालबालिकालाई सामाजिक सञ्जाल प्रयोगमा प्रतिबन्धको प्रस्ताव
एनपीएलको प्रत्यक्ष प्रसारण सम्झौता अवैधानिक छ
९ सामाजिक सञ्जालहरु (युट्युब/फेसबुक पेज) कारवाहीमा
यु–१९ पुरुषतर्फको चौथो अभ्यास खेलमा नेपाल पराजित
विराटनगर र जनकपुर एनपीएलको उदघाटन खेलमा भिड्ने (खेल तालिका) सहित
व्यवसायिक सीपले व्यक्तिलाई रोजगारीमा प्रतिस्पर्धी बनाउँछ
सकियो मुस्ताङको लोमन्थाङ चिनाउने दुई गीतको छायांकन (हेर्नुहोस, ८ फोटो फिचरसहित)
जोर्ज जोन सरले देखेको त्यति बेलाको पोखरा ...
आइसीसीको महिला टी–२० वरीयतामा नेपाल यथावत स्थानमा
सरकारलाई दिएको समर्थन माओवादीले फिर्ता लियो
चिनियाँ राष्ट्रपति सी चिनफिङ नेपालको राजकीय भ्रमणमा रहँदा उनको स्वागत एवं सम्मान, सी विभिन्न कार्यक्रममा सरिक हुँदा र विदाईको फोटोहरु (हेर्नुहोस, ३७ फोटो सहितको फोटो फिचर)
२०१९ को डिसेम्बरभित्रै साग गेम हुने नेपाल ओलम्पिक कमिटी अध्यक्ष जीवनराम श्रेष्ठको दावी
१३ औं दक्षिण एशियाली खेलकुद ‘साग’को प्रतिक चिन्ह लोगो र म्यासकट सार्वजनिक
पोखरामै एसएलसी पास गर्ने पहिलो व्यक्ति वीरेन्द्रकुमार बाटाजू
अस्ट्रेलियाको बालबालिकालाई सामाजिक सञ्जाल प्रयोगमा प्रतिबन्धको प्रस्ताव
एनपीएलको प्रत्यक्ष प्रसारण सम्झौता अवैधानिक छ
९ सामाजिक सञ्जालहरु (युट्युब/फेसबुक पेज) कारवाहीमा
यु–१९ पुरुषतर्फको चौथो अभ्यास खेलमा नेपाल पराजित
विराटनगर र जनकपुर एनपीएलको उदघाटन खेलमा भिड्ने (खेल तालिका) सहित
व्यवसायिक सीपले व्यक्तिलाई रोजगारीमा प्रतिस्पर्धी बनाउँछ
क्रिकेटरहरु रचना र दीपेशलाई पोखरामा सम्मान
पत्रकारहरु नै असुरक्षित, सरोकारवालाको ध्यानाकर्षण
