६ सय रुपैयाँले घट्यो सुनको मूल्य

नेपाली बजारमा सुनचाँदीको मूल्य आज दोस्रो दिन (सोमबार) पनि घटेको छ।

नेपाल सुनचाँदी व्यवसायी महासंघका अनुसार (आइतबार)को तुलनामा सोमबार सुनको भाउ प्रतितोला ६ सय रुपैयाँले घटेको हो।

अघिल्लो दिन (आइतबार) प्रतितोला ९५ हजार १ सय रुपैयाँ रहेको छापावाल सुनलाई आज ९४ हजार ५ सय रुपैयाँ र ९४ हजार ६ सय रुपैयाँ रहेको तेजावी सुनलाई ९४ हजार रुपैयाँ पर्नेछ।

यता, चाँदीको भाउ पनि प्रतितोला १५ रुपैयाँले घटेको महासंघले जनाएको छ। आइतबार प्रतितोला १ हजार १ सय ६० रुपैयाँ रहेको चाँदी सोमबार घटेर १ हजार १ सय ४५ रुपैयाँमा कारोबार हुने भएको हो।