करिशमाले राजनीति छाडेको घोषणा गरिन्

पोखरा । अभिनेत्री करिश्मा मानन्धरले नयाँ शक्ति पार्टी छोडेको घोषणा गरेकी छिन् । करिश्माले हालै मात्र आफू उक्त पार्टीमा नरहने घोषणा गरेकी हुन् ।

डा.बाबुराम भट्टराई नेतृत्वको नयाँ शक्ति पार्टी उपेन्द्र यादव नेतृत्वको संघीय समाजवादी फोरमबीच एकता भएर समाजवादी पार्टी नेपाल गठन भएपछि करिश्मा निष्क्रिय जस्तै थिइन् ।

एसइई परिक्षा दिएर फुर्सदमा रहेकी करिश्माले एकाएक पार्टीबाट अलग हुने घोषणा गरेकी हुन् । पार्टीमा मौखिक रुपमा पार्टीबाट राजीनामा दिइसकेपनि लिखित रुपमा राजीनामा दिन बाँकी रहेको करिश्माले बताउँदै आएकी छन् । आफ्ना केही व्यक्तिगत महत्वपुर्ण कामहरु गर्नुपर्ने भएकोले आफूलाई राजनीतिबाट अलग बनाएको करिष्माको भनाई छ ।

करिश्मा चार वर्ष अघि २०७२ सालमा डा.बाबुराम भट्टराईको नेतृत्वको तत्कालीन नयाँ शक्ति नेपाल पार्टीमा प्रवेश गरेकी थिइन् ।
करिश्मालाई नयाँ शक्ति पार्टीले देश बनाउछ भन्ने लाग्थ्यो । बाबुराम भट्टराईले उपेन्द्र यादवसँग मिलेर नयाँ पार्टी बनाएपछि डा भट्टराईको पछि लागिरहन पर्छ भन्ने मान्यताबाट करिश्मा पछि हटेकी छन् ।

करिश्माले पार्टी छाड्नुको अरु धेरै कारण दिएकी छिन् । केही समय यता करिश्माले राजनीति गर्न गा¥हो रहेको समेत भएको बताउँदै आएकी छन् । उनले, पार्टीमा लाग्नै पर्छ भन्ने नभएको पनि जिकिर गरेकी छन् ।

करिश्माले पार्टीमा आफ्नो कुरा राख्नपनि पद चाहिने उल्लेख गरेकी छन् । तर, करिश्माले जति कारण दिएकी छिन्, त्यसमा आत्मसम्मानको कुरा रहेको छ । करिश्माको स्टाटसमा उनले आत्मसम्मान मानिसको ठूलो खजना भएको भनेर पुस्तक साभार लेखेको पाइन्छ । तर, यो उनको राजनीतिप्रतिको नै स्टाटस हो